32 C
Port Moresby
April 21, 2021
News Tok Pisin Nius

9 Februari | EMTV Nesenel Nius Hetlain Long Tok Pisin

Share the News


Hia nau em ol EMTV nesenel nius hetlain long tok pisin:

1. BRIS BRUK LONG ORO

Fopela bris long Noten Provins I bruk bihainim bikpela ren na taitwara.
Ol lain long Noten Administresen i wari olsem sapos bikpela ren I pundaun gen, bai ol i bagarap olgeta.
Noten provinsal adminstreta, Sem Vegogo, i tok taitwara I karim tupela bris i go , na narapela tupela I karim hevi long faundesen bilong ol.
Tude, Woks Dipatment Sekreteri, David Wereh, i go raun long provins long kisim ol opisal ripot long wanem mak bilong bagarap dispela ren i mekim.

2. OL UPNG SUMATIN KISIM SKUL TOKTOK

2016 Orientesen Progrem bilong ol nupela sumatin long Yunivesiti bilong Papua Niugini, i op tude long Mein Leksa Tieta bilong UPNG.
Vais Sansela, Profesa Albert Mellam, i tokim ol nupela sumatin olsem ol i mas strongim bel na tingting long laip bilong sumatin.
Minista bilong Haia Edukesen, Malakai Tabar, i tokim ol sumatin long strongim laik bilong ol long mobeta bihain taim bilong ol, na tu, bilong kantri.

3. WAIPO TOK EM I KOMANDA YET

Koreksenal Sevis Komisina, Michael Waipo, i tok em I holim yet wok bilong Komisina bilong Koreksenal Sevises.
Em I mekim dispela toksave bihainim hevi i kamap namel long ol memba bilong koreksenal sevis, long makim bilong wanpela ekting komisina, las wik Fraide.
Waipo i tok, em i no save long ol sut toktok I go long en, na em I no kisim wanpela opisal toksave bai em i lusim dispela wok.


NA LONG SPOTS NIUS TUDE:

4. WISIL REDI LO RIO

Em I no mekim nem bihain long 2015 Pacific Games, tasol Toea Wisil i kam bek pinis, na em i stap long form, na redi long Rio.
Namba wan spid meri bilong PNG i pinis fes na seken long ACT Sempionships 200 mita na 100 mita resis long Australia.

https://youtube.com/watch?v=wlaIoC7cELc%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

West Papuan Youths in PNG Active in Fight for Freedom

EMTV Online

Medical Supply Concern Intensifies

EMTV Online

Isifu concerned over growing number of illegal squatters in Wewak Town

Jack Lapauve Jnr.
error: Content is protected !!