25 C
Port Moresby
January 24, 2021
Uncategorized

8 Mas | EMTV Nesenel Nius Hetlain Long Tok Pisin

Share the News


Hia nau em nius long tok pisin…

1. TELIKOM PNG SIAMAN TOKAUT LONG STRONGIM EMTV

Bihain long ol I baim Midia Niugini Limited, o mama kampani bilong EMTV long mun Janueri, Telikom PNG tude I tokaut long sampela ol plen bilong strongim em.
Siaman bilong Telikom PNG, Mahesh Patel, I tok EMTV bai go het long senisim brodkas siknel bilong en I go long dijitel.
Mista Patel I tok Telikom I laikim bai EMTV I mas go aut long olgeta hap kona bilong kantri.
Em I tok long wanem hap liklik ples we I gat wanpela Telikom Tawa I stap, em bai EMTV I go long en.

2. PNG POWER AUTIM MASTA PLEN BILONG EN

Wanpela ripot I kam long wanpela konsalten kampani bilong Siapan, ol I kolim NEWJEC, I autim pinis divelopmen masta plen bilong PNG Power.
Insait long dispela 15-pela yia divelopmen plen, I gat stia long rausim olgeta hevi I stap long Ramu Pawa Stesin, na pawa distribusen netwok bilong en long Lae.

3. MOSBI POLIS TOK STIL KAR GO BIKPELA

Polis long Mosbi siti I tok ol raskol I wok kamapim nupela rot bilong stilim ol kar.
NCD na Sentral Divisinal Komanda, Sylvester Kalaut, I tok sevenpela kar em ol raskol I stilim long Mosbi long wiken, namel long 11 kilok nait long Fraide, I go inap 4 kilok long Sande.
Kalaut I tok bipo, ol stilman I save hait ausait long ol haus long stilim ol kar. Tasol nau, ol I save yusim ol kar long bihainim ol arapela kar, pastaim long ol I stilim ol.

 

NA LONG SPOTS NIUS:

1. OL ISAPEA KISIM HALIVIM LONG PETROLIUM RISOSES KUTUBU

Provinsal ragbi lig tim bilong Galp, em ol Gulf Isapea, I bin wanpela long ol tim I bin pilai strong long intasiti kap.
Nau we ol I wok long redi long 2016 sisen, tim I kisim wanpela gutpela mani sapot I kam long kampani, Petrolium Risoses Kutubu.

https://youtube.com/watch?v=aA9fdFcDMqU%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

error: Content is protected !!