24 C
Port Moresby
April 11, 2021
News Tok Pisin Nius

6 Mei | EMTV Nesenel Nius Hetlain Long Tok Pisin

Share the News

 

Hia nau em ol EMTV nesenel nius hetlain long tok pisin…

 

1.UPNG EDMIN NA OL SUMATIN TUBEL LONG GO BEK SKUL

Senet bilong UPNG, em ol lain i makim Vais Sansela, na ol hetmanmeri bilong olgeta skul long UPNG i bin sindaun long wanpela spesol kibung tete long painim rot bilong pinisim protes bilong ol sumatin.

Namel long faivpela astingting ol i givim, em long skul long go het get long neks wik Mande.

Tasol ol sumatin yet i strong olsem ol bai go het yet wantaim protes na i no inap go bek skul yet.

 

2.UNITEK WETIM KAUNIM BILONG OL VOT

Ol sumatin long Yunivesiti ov Teknoloji long Lae i wetim kaunim bilong ol vot long wanpela ileksen ol sumatin i mekim long kisim tingting long ol sumatin sapos ol bai pasim skul o nogat.

I kami nap 6 kilok nau apinun, wok kaunim i bin ron yet.

Dispela wok kaunim em ol opisa bilong Ilektorel Komisin yet i go pas long en.

 

3.BALUS BIRUA LAIN NOGAT ROT LONG GO BEK LONG PLES

Ol lain famili bilong ol 11-pela lain manmeri i bin dai long balus birua long Kiunga, nau i singaut halivim long karim ol bodi bilong ol lain famili bilong ol i go bek long ples.

Bihain long gavman i givim tok orait long ol i ken kisim bodi bilong ol lain bilong ol i bin dai long dispela hevi, nau ol famili i mas hariap long mekim rot i go bek long ples long planim ol.

Ol bodi bilong ol indai manmeri i bin stap long Kiunga Distrik Haus sik Mog bihain long balus i bin bungim hevi tripela wiki go pinis.

 

NA LONG SPOT NIUS BILONG TETE:

 

4. PNG KUMULS I REDI LONG BUNGIM FIJI BATIS

Ol PNG LNG Kumuls i tok ol i redi long bungim ol Fiji Bati tumoro nait long Sidni, Australia.

PNG na Fiji bai brukim bun long namba wan pilai bilong Pasifik Tes, we bai kamap tumora nait.

Ol lain sapota bilong ol Kumuls i ken lukim dispela bikpela pilai long EMTV yet.

Nesenel Nius bilong EMTV bai kamap long 5 kilok long apinun, na long hap pas 5, bai namba wan pilai namel long ol Kumuls na Batis i kikop.

Bihainim stret dispela pilai, bai olgeta lain long kantri i ken lukim strongpela gem namel long Tonga na Samoa i go het.

Wantaim dispela gem, EMTV i toksave tu olsem ol ragbi lig sapota i ken lukluk bihainim Ragbi Lig Wol Kap we bai kamap neks yia, long wanem EMTV bai soim fri.

https://youtube.com/watch?v=p2_FoXzCUUk%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

22 Mei | EMTV Nesenel Nius Long Tok Pisin

EMTV Online

Save economy says 2017 intending East Sepik candidate

Jack Lapauve Jnr.

Town Mayor Calls on PNG Power to Explain Power Failures

Godwin Eki
error: Content is protected !!