24.2 C
Port Moresby
June 24, 2021
Tok Pisin Nius

6 Jun | EMTV Nesenel Nius Hetlain Long Tok Pisin

Share the News

 

Hia nau em ol EMTV nesenel nius hetlain long tok pisin…

 

1.KOT TOK NOGAT LONG BEIL ASKIM BILONG LOYA FELIX KANGE

Loya man Felix Kange tete i kamap long kot long wetim disisen bilong kot long beil askim bilong en.

Waigani Nesenel Kot i tok nogat long dispela askim bilong Kange.

Polis i sasim Kange long em i sutim na kilim dai meri bilong en Regina Morove long mun i  go pinis.

Jastis George Manuhu i tok kot i no luksave long olgeta as bilong askim long beil.

 

2.MOROBE GAVANA AUTIM WARI LONG HEVI BILONG MONI

Gavana bilong Morobe, Kelly Naru, tete i autim wankain toktok long hevi we sot bilong foren karensi, o moni bilong ol arapela kantri, i wok givim long Morobe provins.

Naru i tokim EMTV tete olsem ol hevi Morobe i gat long sait bilong helt na edukesen, bai go daun, na monimak bilong ol kago na sevis, bai go antap.

 

3.OL UPNG SUMATIN STRONG OLSEM BOIKOT BAI RON YET

Ol sumatin bilong Skul ov Medisin na Helt Saienses long UPNG i tok olsem ol bai go het yet wantaim boikot o tok nogat long go bek skul.

Las wik Fonde, UPNG Kaunsil i bin rausim saspensen o pasim bilong semesta wan, na tete em i de ol i bin makim long ol sumatin bilong MEDFAC long go bek long skul.

Tasol man i makim ol sumatin, Herman Paemo, i tok bikpela namba long ol sumatin i laik go het yet long stopim skul.

 

NA LONG SPOT NIUS BILONG TETE:

 

4. PNG STAP INSAIT LONG OL SEMI FAINOL PILAI

Papua Niugini nau i go insait long ol semi fainol pilai bilong 2016 OFC Nesens Kap.

PNG i bin hamarim tru Samoa, 8-NIL.

Samoa i bin gat 5-pela sans long skorim gol, tasol PNG i bin gat 55 sans long skoa, na ol i no bin abrus long skoa.

https://youtube.com/watch?v=ZTYpWbEGwTo%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

23 Februeri | EMTV Nesenel Nius Long Tok Pisin

EMTV Online

22 Septemba | EMTV Nesenel Nius Long Tok Pisin

EMTV Online

21 Mas | EMTV Nesenel Nius Long Tok Pisin

EMTV Online
error: Content is protected !!