24 C
Port Moresby
January 20, 2021
Tok Pisin Nius

6 Epril | EMTV Nesenel Nius Hetlain Long Tok Pisin

Share the News

 

Hia nau em ol EMTV nesenel nius hetlain long tok pisin…

 

1.WOKS DIPATMEN LONSIM STIA BILONG WOK LONG ROT NA BRIS

Dipatmen bilong Woks na Implimentesin, tete i lonsim tupelo bikpela pepa bilong stiaim ol long strongim wok long ol rot na bris long kantri.

Dipatmen i tok dispela ol stia wok bai lukim kamap bilong wanpela nesenel rot netwok we i nogat bruk long en, na we em bai groim PNG.

 

2.TEMU TOK KLIA LONG OL PABLIK SEVAN I LAIK SANAP LONG ILEKSEN

Olgeta pablik sevan husat i tingting long sanap resis long 2017 Nesenel Ileksen, bai mas lusim wok bilong ol pastaim long namba 20 de bilong mun Oktoba long dispela yia.

Dispela em i polisi bilong Pablik Sevis Menesmen Ekt 2014, we i tok ‘husat manmeri i tingting long sanap resis long wanpela ileksen, i mas risain o lusim wok sikspela mun pastaim long de we ileksen bai op.

Memba bilong Usino Bundi, Anton Yagama, i bin tromoi dispela askim long Palamen aste, long painimaut sapos ol pablik sevan i ken resis long Nesenel Ileksen.

 

3.SIAPAN GAVMAN BAI HALIVIM PNG LONG APEC 2018

Gavman bilong Japan bai halivim Papua New Guinea long lukautim bilong 2018 APEC Samit.

Foren Afes Minista, Rimbink Pato, na Siapan Ambeseda, Morio Matsumoto, i sainim tok wanbel long mekim dispela progrem tete.

Aninit long dispela progrem, halivim bilong Japan bai inapim K13 milian long lukautim logistiks o wokabaut bilong APEC, na tu, hap moni halivim long strongim skul long ol busples long kantri.

 

NA LONG SPOTS NIUS:

1.SP PNG HUNTERS I REDI LONG BUNGIM OL BLACKHAWKS

Nupela paia-lait winga bilong SP PNG Hunters, Justin Olam, bai lainap long win dispela wik.

Em bai senisim Bland Abavu.

Olam i bin kam bek long graduesen bilong en long Yunivesiti ov Teknoloji.

Ol SP PNG Hunters i tok ol i redi long bungim Townsville Blackhawks dispela wiken.

Blackhawks em i wanpela strongpela tim, na i gat sampela ol pilaia bilong NRL i pilai wantaim ol.

6 Epril | EMTV Nesenel Nius Hetlain Long Tok Pisin, em tv, tok pisin nius, png tv, png tok pisin nius, png nius,

Related posts

15 Februari | EMTV Nesenel Nius Long Tok Pisin

EMTV Online

5 Mei | EMTV Nesenel Nius Long Tok Pisin

EMTV Online

13 Septemba | EMTV Nesenel Nius Long Tok Pisin

EMTV Online
error: Content is protected !!