Hia nau em ol EMTV nesenel nius hetlain long tok pisin…
1.PNGEC TOKAUT LONG OL ILEKSEN DE
PNG Ilektrol Komisina Patilias Gamato, tude I tokaut long ol de bilong Ileksen 2017.
Givim aut bilong ol rit pepa em long namba 20 de bilong mun Epril, na kisim bek ol rit pepa bai bihainim tripela mun, long Julai 24.
Ol arapela toksave em long ol plen bilong ol Lokol Level Gavman, na het tok bilong ileksen.
Gamato I tokaut long ol dispela samting, na tu, em I singaut long gavman long givim moa mani long lukim gutpela ron bilong ileksen 2017.
2.OL YUNI MAS KATIM WOK NA MANI
Ol yunivesiti long kantri I mas redi long daunim mak bilong ol wok bilong ol dispela yia, bihain long gavman I toksave olsem manimak bai go daun.
Yunivesiti bilong Teknoloji bai mas toksave long gavman, long hamas mani em I nidim long mekim wok.
Yunitek administresen I tok olsem dispela ol daunim bai no inap go insait long ol akademik program.
3.SIK KENSA KILIM PLANTI MANMERI PINIS
Olgeta yia, sik kensa I save kilim moa long 10 tausen manmeri.
Dispela tok klia I kam long Dokta John Niblett, Sinia Onkolojis o saveman bilong sik kensa, long Angau haus sik.
Angau Haus sik I wok bungim hevi yet, we em I sot long ol masin bilong sekim na tritim kensa long ol sikmanmeri.
Wanpela nupela hap long hausik bai lukluk moa long daunim mak bilong sik kensa insait long kantri.
4.GIVIM LAIP LONG SIOS
Singaut bilong wok pasto o pater I mas strong moa, na em I mas kamap insait long famili pastaim.
Dispela em I salens I kam long Bisop Rochus Tatamai, bilong Katolik Daisos bilong Bereina. Em I bin go long Kavieng long Nu Ailan, long lukim odinesen bilong ol pater.
NA LONG SPOTS NIUS TUDE:
5.SEKIM STEDIUM
SP PNG Hunters na Penrith Panthers Nu Saut Wels Kap tim, I bin ron liklik long nupela stedium we ol bai bung gen tumora.
Ol Hunters bai yusim dispela gem bilong traim ol nupela kombinesen pilai pastaim long 2016 sisen I op.
6.OL PANTHERS KAMAP
Penrith Panthers Nu Saut Wels Kap tim I kamap tude long Pot Mosbi.
Tim I bin gat 8-pela NRL pilaia I stap insait, tasol sampela I go pilai long Auckland 9s.
Kosa bilong Panthers, Steven Georgallis I tok ol I amamas na redi long gem wantaim SP PNG Hunters tomora.
https://youtube.com/watch?v=ulo7syMZTvA%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0
