29 C
Port Moresby
April 21, 2021
News Tok Pisin Nius

4 Mei | EMTV Nesenel Nius Hetlain Long Tok Pisin

Share the News

 

Hia nau em ol EMTV nesenel nius hetlain long tok pisin…

 

1.DON POLYE LUSIM WOK OPOSISEN LIDA

Memba bilong Kandep, Don Polye, i lusim pinis wok olsem Lida bilong Oposisen.

Polye i toksave long dispela senis tete, taim em i makim Memba bilong Bulolo, Sam Basil, olsem nupela lida bilong oposisen.

 

2.MOROBE GAVANA TOK PIPEL MAS REDI LONG TAIM NOGUT

Morobe provinsal gavman i wok long painim moni long baim ol sevis na ol nupela opis samting.

Katim bilong baset o moni plen bilong provins nau i wok long go daun long provins, na ol bisnis long Lae siti wok long pilim dispela sot long moni.

Gavana bilong Morobe, Kelly Naru i pipel na provins i mas redi long taim nogut we moni long provins bai sot.

 

3.BUMBU POLIS BAREKS NOGAT PAWA 11-PELA YIA

11-pela famili bilong ol polisman i stap long Bumbu Polis Bareks long Lae, i nogat pawa klostu tenpela yia, bihain long ol pawa kebol i bagarap yet.

Dispela 11-pela haus i pulim pawa long ol singel kwota i go long ol haus bilong ol.

Maski dispela pasin i gat bikepla birua long en, Ol dispela ol famili bilong ol polisman i mekim long wanem ol i nidim pawa.

 

NA LONG SPOT NIUS BILONG TETE:

4. OL PILAI PLES BILONG FIFA WOL KAP BAI  REDI

Lokol Ogenaising Komiti bilong FIFA Anda 20 Wol Kap bilong ol Meri na PNG Spots Faundesen i wok strong nau long lukim gutpela kamap bilong dispela bikpela pilai long mun Novemba dispela yia.

OFC Nesens Kap bai kamap long dispela mun long Pot Mosbi. Ol ogenaisa bilong FIFA bai yusim dispela pilai long traim strong bilong ol long lukautim FIFA Wol Kap bilong ol Meri long mun Novemba.

https://youtube.com/watch?v=Ln4dwZS-BcU%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Polye Asked to Stop Playing Petty Politics

EMTV Online

Team PNG Set For Commonwealth Games

EMTV Online

ExxonMobil Announces 84 Percent Increase in P’nyang Resource, Potential Expansion in PNG

EMTV Online
error: Content is protected !!