News Tok Pisin Nius

4 Februari | EMTV Nesenel Nius Hetlain Long Tok Pisin

Hia nau em ol EMTV national nius hetlain long tok pisin…

1.PAIT AGENSIM SIK TB NA MALARIA

Pait bilong daunim sik tubakulosis na malaria long PNG bai go strong moa.

Sekreteri bilong Helt, Pascoe Kase, I tok dipatmen nau I ken lukluk strong long pait agensim sik TB, bikos em I gat baset bilong mekim dispela wok.

Em I tok dipatmen I wok long traim ol nupela program bilong pinisim sik malaria long ol liklik ailan, pastaim long em I kisim dispela ol program I go aut long ol arapela hap bilong kantri.

 

2.UN TOK PABLIK SEVIS EM BIKPELA SAMTING

Yunaitet Nesens Residen Kodineta long PNG, Roy Trivedy, I tok pablik sevis I gat bikpela wok long kantri long inapim ol sotpela taim divelopmen mak bilong en.

Mista Trivedy I tok I gutpela gavman I wok long daunim manimak bilong olgeta sekta, em I gutpela long pablik sevan tu I mas gat gutpela bel na laik bilong bringim sevis I go long pipel.
 

3.PNG SITISENSIP KAM KLOSTU LONG OL WES PAPUA

Klostu taim bai ol Wes Papua Manmeri I ken kisim PNG sitisensip sapos ol I laikim.

Dispela I kamap bihain long gavman I slekim ol polisi bilong en.

Wanpela ol banis we I stopim ol Wes Papua long kisim sitisensip em wanpela polisi I tok wanwan manmeri I mas baim K10,000 long kisim sitisensip long PNG.

4.LAE POLIS KISIM BEK MANI

Polis long Lae I kisim bek moa long foa handret tausen kina we ol stilman I kisim long Morobe Pharmacy long Tunde dispela wik.

Polis I kisim tu ol pistol ol stilman I yusim long holdap.

 

NA LONG SPOTS NIUS TUDE:

5.ZEMMING KISIM LUKSAVE

Bihain long SP PNG Hunters I lusim kepten bilong ol, Israel Eliab, nau yutiliti beklain man, Noel Zemming, I kisim dispela wok.

Marum I tok long gem agensim Penrith Panthers long Sarere, em I bilip olsem Zemming I ken lidim tim gut.

 

6.FUTBOL EM I LAIP

Koriak Upaiga, wanpela mangi Morobe, nau I kisim nem olsem wanpela strongpela fulbek na straika bilong Hekari United.

Upaiga, husat I bin pilai pastaim wantaim Welgris United insait long Telikom Nesenel Soka Lig, I no bin ting olsem Soka bai inap long givim em bikpela sans long laip na spot.

https://youtube.com/watch?v=PhZgGbUoeaw%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Baki on Sea Piracy

Martha Louis

Simberi Update – Special Purpose Authority

EMTV Online

Joint Force commander applauds PNGDF performance

EMTV Online

Leave a Comment

error: Content is protected !!