Nius Hetlain
Praim Minista Peter O’Neill itok olsem ol moni long trust akaun blong CMCA na Non-CMCA manmeri long Westen provins, em nogat man ibai tachim. Em itok displa em blong wanem em iweitim yet wanpla audit ripot, or ripot igo insait long hau ol moni long displa akaun ol manmeri ibin yusim. Em itok displ ripot bai redi klostu, na bai em itokaut long en log palamen. Bekim blong praim minister em bihain long askim ikam long Memba blong North Fly, James Donald.
Gavana blong Oro, Garry Juffa itok planti ol loa blong Forest Clearance Authority, em planti ol gavman dipatmen ino wok long bihainim. Em itok didspla bihain long em iwokim wok painim aut blong en yet long hau ol gavman dipatment na authority itok orait long wanpla FCA insait long Oro Provins.
Polis long Lae Siti iholim passim wanpla man husat iyusim ol giaman K100 pepa moni long traim baim bia. Buhain long ol iholim passim em, ol ipainim olsem igat planti moa long ol displa giaman moni, we mak blong en em K3,700. Displa man itokim ol polis olsem ol displa moni em wanpla narapela man igivim em long yusim. Polis isasim em na em istap weit-kot long Buimo haus karabus.
