26 C
Port Moresby
May 9, 2021
Tok Pisin Nius

28 Epril | EMTV Nesenel Nius Hetlain Long Tok Pisin

Share the News

 

Hia nau em ol EMTV nesenel nius hetlain long tok pisin…

 

1.HELA GAVANA, ANDERSON AGIRU I DAI

Namba wan gavana bilong nupela Hela Provins, Anderson Agiru, i lusim laip tete moning, taim ol lain bilong em i kisim em i go long haus sik long Mosbi.

Wanpela dokta husat i bin wok i stap long Pacific International Haus sik taim ol i kisim Gavana Agiru i go insait, i tok Agiru i bin lusim laip pinis.

Planti handret manmeri i bin kamap long PIH haus sik tete moning long soim pasin sore bilong nambawan gavana bilong Hela provins.

 

2.PRESIDEN BILONG INDIA KAMAP NAMBA WAN TAIM LONG PNG

Presiden bilong India, His Ekselensi Pranab Mukherjee, i kamap pinis long PNG.

Bikpela 747 balus bilong Air India i karim Presiden Mukherjee i kam long dispela namba wan bikpela raun bilong presiden bilong India long kam long PNG.

Raun bilong Presiden Mukherjee i makim nupela luksave India i gat long halivim PNG long groim kantri.

 

3.BIKPELA PAIT LONG MARKHAM LUKIM MOA LONG TENPELA I LUSIM LAIP

Moa long tenpela manmeri em ol i kilim ol long wanpela bikpela pait i kamap long ples Markham long Morobe, namel long tupela asples lain, bihain long wanpela Markham Veli Sekendri Skul sumatin i bin spak na ol lain i paitim em long Mutzing maket.

Pait i bin bruk aste taim tripela long ol man i bin dai.

Provinsel Polis Komanda, Sif Suprintenden Augustine Wampe i go pas long Lae Mobail skwat long Markam, long kolim bel bilong ol lain i pait.

 

NA LONG SPOTS NIUS:

 

1.PNG FUTBOL TIM BILONG OL MAN I REDI LONG BUNGIM KOREA

Nesenel Futbol tim bilong ol man bai go het wantaim ol wok redi long ol intanesenel pilai we bai kamap long Demokretik Pipels Ripablik ov Korea, long wik antap.

Nesenel Kosa bilong PNG Tim, Flemming Serritslev, i tok i gat sans long makim sampela ol nupela pilaia long tim. Planti long ol man long tim, em ol pilaia bilong Lae City Dwellers, and Hekari United.

28 Epril | EMTV Nesenel Nius Hetlain Long Tok Pisin, em tv, tok pisin nius, png tv, png tok pisin nius, png nius,

Related posts

23 Jun | EMTV Nesenel Nius Hetlain Long Tok Pisin

EMTV Online

8 Mas | EMTV Nesenel Nius Long Tok Pisin

EMTV Online

18 Oktoba | EMTV Nesenel Nius Long Tok Pisin

EMTV Online
error: Content is protected !!