26 C
Port Moresby
January 16, 2021
Tok Pisin Nius

27 Epril | EMTV Nesenel Nius Hetlain Long Tok Pisin

Share the News

 

Hia nau em ol EMTV nesenel nius hetlain long tok pisin…

 

1.MEMBA BILONG MANUS TOK PROVINS BAI ORAIT

Memba bilong Manus, RONNIE KNIGHT, i tok maski bai planti ol bisnis na wokmanmeri long Manus bai kisim hevi wantaim pasim bilong Asailam Sika Senta, em i bilip ol manmeri long provins i gat inap strong long kirap gen na strongim provins bilong ol.

Knight it ok olsem kot ruling bilong faivpela-man Suprim Kot bens aste long painim dispela senta i no bihainim loa, em i no nupela samting long en.

Em i tok em i bin save olsem dispela ples bai pasim dua bilong em yet.

 

2.PRAIM MINISTA TOK MANUS ASAILAM SIKA SENTA BAI PASIM DUA

Praim Minista Peter O’Neill i tokaut tete long wanpela midia stetmen, olsem gavman bai go het long pasim Manus Rijenal Prosesing Senta, bihainim disisen bilong Suprim Kot bilong Papua Niugini, we i tokaut klia olsem dispela senta long Manus, i no bihainim loa bilong kantri.

Mista O’Neill i tok gavman i luksave long hevi dispela bai givim long ol manmeri long Manus yet.

Em i tok PNG gavman bai wok klostu wantaim Australia bilong daunim hevi i go long ol bisnis na ol wokmanmeri.

Mista O’Neill i tok moa long 500 asples Manus manmeri bai nogat wok.

 

3.MOSBI REDI LONG TOK WELKAM LONG PRESIDEN BILONG INDIA

Pot Mosbi Siti, tete i wok redim ples bilong tok welkam long Presiden bilong India, husat bai kamap long Mosbi tumoro, long tupela de raun toktok wantaim PNG gavman.

Presiden bilong India, nem bilong en, Pranab Mukherjee, bai bung wantaim Praim Minista long paitim tok long painim rot bilong tupela kantri long wokbung wantaim.

 

NA LONG SPOTS NIUS:

 

1.200 DE TASOL I STAP, NA FIFA ANDA 20 WOL KAP BILONG OL MERI BAI KIRAP

Tete i makim 200 de tasol i stap, pastaim long FIFA Anda 20 Wol Kap bilong ol meri i kamap long PNG.

Man husat i go pas long Lokol Ogenaising Komiti, SHAYMUS MARTEN, i tok planti samting i wok kamap long lukim PNG i mas bosim gut ron bilong dispela bikpela futbol pilai long kantri.

27 Epril | EMTV Nesenel Nius Hetlain Long Tok Pisin, em tv, tok pisin nius, png tv, png tok pisin nius, png nius,

Related posts

27 Jun | EMTV Nesenel Nius Long Tok Pisin

EMTV Online

12 Disemba | EMTV Nesenel Nius Long Tok Pisin

EMTV Online

21 Februeri | EMTV Nesenel Nius Long Tok Pisin

EMTV Online
error: Content is protected !!