27 C
Port Moresby
November 20, 2019
Tok Pisin Nius

26 Mei | EMTV Nesenel Nius Hetlain Long Tok Pisin

Hia nau em ol EMTV nesenel nius hetlain long tok pisin…

 

1.LOYA BLONG JASTIS BERNARD SAKORA ASKIM KOT LONG RAUSIM OL SAS

Kot bilong Jasits Sir Bernard Sakora, bai lukim ruling o disisen bilong kot long namba 7 de bilong mun Jun.

Polis i bin sasim Sir Bernard long opisal korapsen long Epril 11.

Loya bilong en, Loani Henao, i wok askim kot long rausim dispela ol sas long Sir Bernard.

 

2.HAIA EDUKESEN REDI LONG INAPIM ASKIM BILONG UPNG

Dipatmen bilong Haia Edukesen i redi long karimaut disisen bilong UPNG Senet long pasim Semesta Wan, na salim ol sumatin i go bek long ples.

Sekretri bilong dipatmen, Profesa David Kavanamur, it ok ol sumatin i brukim pinis skolasip agrimen bilong ol.

Moa long 2 tausen sumatin nau i wok long traim stretim toktok wantaim dipatmen long oraitim wokabaut bilong ol i go bek long ples.

 

3. OL UPNG SUMATIN KISIM KOT ODA LONG STOPIM UPNG LONG RAUSIM OL LONG SKUL

Waigani Nesenel Kot, nau tasol long apinun, i tok oraitim oda bilong stopim UPNG Administresin long salim ol sumatin i go aut long skul.

Jastis Colin Makail i mekim ruling na luksave long ol sumatin na hevi ol bai bungim sapos ol i nogat hap long go sapos UPNG admin i rausim ol long skul tete.

Tasol Jastis Makail i tok klia tu olsem dispela oda, em i oda bilong sotpela taim tasol.

               

NA LONG SPOT NIUS BILONG TETE:

 

4. TEKNIKAL ADVAISA BILONG SOLOMON ISLANDS TOK OL I KEN WINIM OFC NESENS KAP

Ol Solomon Ailans pilaia bai nidim strongpela tingting na bilip sapos ol i laik winim OFC Nesens Kap hia long PNG.

Dispela em tingting bilong nupela teknikal advaisa bilong ol, Ramon Tribulei.

Tribulei i gat bikpela save long winim ol bikpela pilai, bikos em i bin stiaim tim bilong em long Auckland, Nu Silan, i go winim OFC Sempions Lig sikspela taim.

https://youtube.com/watch?v=dGRoBOMQovk%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

1 Mas | EMTV Nesenel Nius Long Tok Pisin

EMTV Online

17 Septemba | EMTV Nesenel Nius Long Tok Pisin

EMTV Online

6 Jenueri | EMTV Nesenel Nius Long Tok Pisin

EMTV Online
error: Content is protected !!