24 C
Port Moresby
May 18, 2021
News Tok Pisin Nius

26 Februari | EMTV Nesenel Nius Hetlain Long Tok Pisin

Share the News

 

Hia nau em ol EMTV nesenel nius hetlain long tok pisin…

 

1.PAINIM RONAWE KALABUSMAN

Koreksenal Sevis Ekting Komisina, Bernard Nepo, I tokaut nau apinun, olsem ol wok painimaut I go insait long bikpela kalabus ronawe aste long Buimo haus kalabus, bai go het tumora.

Tude, em I saspendim Buimo Haus Kalabus Komanda, Joe Jako, na dispela I opim rot long wok painim I go het.

Wanpela nupela komanda bai ples bilong em long Buimo, na go pas long wok painim.

 

2.ENGA LUKLUK LONG ISRAEL

Enga Provinsal Gavman I tok wanbel long wok bung wantaim wanpela kampani bilong Israel, long sanapim wanpela Agro Indastrial Sevises na Trening Senta long Sirunki, long Enga provins.

Dispela projek I lukluk long strongim ol smolholda fama long groim kaikai na kamapim liklik ekonomi bilong ples.

Enga Gavana Sir Peter Ipatas, I tok em bai wanpela 50-50 seholda agrimen, wantaim Innovative Agro-Industry Limited.

 

3.STILIM NA HAITIM MERI

Pasin bilong stilim na haitim ol manmeri I wok go bikpela long Papua Niugini.

Intanesenel Ogenaisesen bilong Maigresen o IOM, I tok Polis I sainim wanpela Memorendum of Andastending tude, long stretim dispela hevi.

Ol IOM I gat save long stopim dispela pasin, na tok olsem ol halivim pinis tripela ten manmeri ol I bin stilim ol long PNG.

 

4. NOGAT PABLIK KROS

Polis Komisina, Gari Baki, I tokim ol sinia polisman bilong en, long noken kros I go kam long ai bilong pablik.

Baki  I toke m I no laikim pablik long ridim nius we I no trupela tok.

Em I tok kros bilong ol polisman, em samting bilong ol yet, na I gat rot I stap long ol I ken stretim wanem hevi ol I gat.

 

 

NA LONG SPOTS NIUS:

1.SP PNG HUNTERS I GAT HAUS NAU

Nesenel Futbol Stedium bai kamap nupela beis bilong ol SP PNG Hunters bilong Intrust Super Cup Sisen dispela yia, bihain long PNGRFL I toktok wantaim ol papa bilong Sir John Guise Stadium, na Nesenel Futbol Stedium.

SP PNG Hunters Siaman, Graham Osborne, I toksave long dispela, tude.

https://youtube.com/watch?v=5Pol9GmHiXQ%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

National Statistical Office Launches New Set of Data

EMTV Online

COMMENTARY: Round 1 and the broadside

Jeremy Mogi

Men’s Softball

EMTV Online
error: Content is protected !!