News Tok Pisin Nius

25 Mei | EMTV Nesenel Nius Hetlain Long Tok Pisin

Hia nau em ol EMTV nesenel nius hetlain long tok pisin…

 

1.PRAIM MINISTA PETER O’NEILL BEKIM OL ASKIM BILONG PABLIK

Praim Minista Peter O’Neill i tokim ol lain i putim iau long FM 100 Talkback Show, olsem ol lain opisa bilong gavman bai bung wantaim administresin long UPNG long painim rot long pinisim dispela hevi i stap nau long ol sumatin.

Dispela i bihainim disisen bilong UPNG Yunivesiti Kaunsil, long pinisim kwik Semesta Wan bilong skul.

Praim minista i bin bekim ol askim bilong pablik long sait bilong ol meknais i kamap long politiks, na ol arapela bikpela wari bilong kantri.

 

2.PM TOK SEKIM WOKMAK BILONG MIPELA

Praim Minista O’Neill i bin tokaut tete, olsem ol pipel i mas sekim gut husat i wok long givim ol kain kain giaman toktok long sikirapim bel bilong ol.

Em i tok sapos ol pipel i laik rausim em na gavman bilong en, ol i ken sekim wokmak bilong nau gavman, na wokmak bilong ol gavman long bipo.

Na sapos ol i no laikim PNC, ol i ken go long ileksen neks yia, na makim nupela gavman na praim minista.

 

  1. OL MEDIKAL SUMATIN WARI LONG SKUL BILONG OL

Ol sumatin long Yunivesiti ov Papua Niugini Skul ov Medisin, i tok ol i laik go bek skul, na ol i askim Yunivesiti Kaunsil long luksave long krai bilong ol.

Ol i mekim dispela bikpela askim tete bihain long Yunivesiti Kaunsil i givim olgeta sumatin tupela de long lusim skul.

Ol sumatin i tok dispela pasim skul bai bagarapim skul bilong ol, na ol laikim kaunsil i senisim tingting bilong en.

 

NA LONG SPOT NIUS BILONG TETE:

 

  1. STRONGPELA NU SILAN TIM I KAMAP LONG MOSBI LONG PILAI LONG NESENS KAP

Namba wan strongpela tim long Pasifik we olgeta arapela kantri bai traim long daunim, Nu Silan, tete i kamap long Mosbi.

Ol i redi long brukim lek wantaim Fiji long Sarere.

Kosa Anthony Hudson i tok save bilong Kepten Chris Wood, husat i save pilai insait long Britis Premia Lig, i strongim ol long winim dispela tonamen.

Related posts

Momis: No More Excuses

EMTV Online

Sea Cucumber stocks low despite harvesting ban

EMTV Online

Agro-Forestry Projects Viable

EMTV Online

Leave a Comment

error: Content is protected !!