Hia nau em ol emtv nesinol nius het lain long tok pisin…
1. OL TISA I NO HAMAMAS
Ol tisa long NCD I bin bung long opis bilong PNG Teachers Associasion tete long tok rausim bilong Jeneral Sekreteri, Ugwalubu Mowana.
Mowana husait I gat ol sut toktok olsem em I paulim moni bilong PNGTA, I stap yet aninit long wok painimaut.
Las wik, Distrik Kot I larim em I go bek long wok.
Tasol ol tisa I tok olsem ol I bai askim long helpim long dispela kot disisen.
2. WARI LONG DEVELOPMEN
Wanpela bikpela rot projek long Pot Mosbi bai lukim klostu long hundret manmeri I nogat moa ples long silip.
Dispela projek ol I callim Koura Road Project bai I gat foapela rot lane long Jun Veli igo long Badihagwa.
Ol manmeri husait I stap long Jun Velli, I bin tok hamamas long dispela developmen long hap, tasol I nau gat askim long gavman long givim ol nupela hap long stap.
Ol papagraun I laikim Lens Dipatmen long tok klia long dispela graun. Ol I mekim dispela nek long wanem ol I tok olsem dispela graun ino graun bilong gavman.
Tete moning, ol I bung na mekim wanpela tok agensim long dispela graun.
3. KOT I RAUSIM SAS BILONG KOMO-MAGARIMA MP
Nesenal Kot I rausim sas agensim Komo-Magarima Memba, Francis Potape, las wik Fraide.
Kot I tok olsem Potape I no wokim ron long tupela sas long paulim moni bilong Hela Elektorate. Monimak ol I tok Potape I bin paulim long dispel kot em 330 tausen kina.
Jastis George Manuhu, I bin tok olsem stet prosekuta ino bin givim inap samting bilong sapotim tok agensim Potape.
NA LONG SPOT NIUS:
4. OVINOU
Judo etlit, Raymound Ovinou, bai mekim namba two lukluk bilong em insait long Rio Olympic gems.
Obinou, husait I bin mekim mak long merit, I gat tinging long I kam bek wantaim wanpela medol. Em I bin tek pat long 2012 Olympic gems.
