News Tok Pisin Nius

23 Ogas | EMTV Nius Long Tok Pisin

GUTNAIT TRU, Hia nau em nius long tok pisin,

ERADICATE COUNTERFEIT PRODUCTS

Memba blong Lae, JOHN ROSSO, i tokaut pinis olsem em i no laikim tru ol giaman samting i stap long ol stua bilong ol ausait bisnis long PNG.

Displa toktok blong em i bihainim singaut i kam long Komes na Indastri Minista, WERA MORI, long putim strongpla banis agensim kisim blong ol giaman bilum na klos i kam insait long kantri.

Ol displa giaman samting, em ol i save mekim long ol arapla kantri, na kisim kam salim long ol Saina stua long hia.

DISTRICT SUPPORTS INITIATIVE

Polis long Lae siti, nau i wok bung wantaim ol distrik wokmanmeri long daunim hevi bilong ol rot maket lain, na ol kain kain liklik pasin stil.

Bosman blong polis long Lae, ANTHONY WAGAMBIE JR, i tok polis bai stap strong long olgeta ples we ol manmeri i save bung, olsem ol maket.

MARKET PROJECT LOAN

Ol fama long ples nau bai gat sans long painim ol mobeta maket blong salim ol gaden kaikai blong ol.

Tete gavman i sainim tok wanbel wantaim Intanesinol Fan blong Agrikalsa Divelopmen, long opim planti moa maket long baim ol gaden kaikai.

Minista blong Agrikalsa na Laipstok, BENNY ALLEN, i tok displa projek em long halivim ol liklik fama, bai ol i ken painim gutpla sindaun.

EM TASOL NIUS LONG TOK PISIN, Goodnight tru.

Related posts

Secretary Pomaleu disappointed with crowd breaching at airport area

EMTV Online

24 Jun | EMTV Nesenel Nius Long Tok Pisin

EMTV Online

News Bytes for 5th June, 2014

EMTV Online
error: Content is protected !!