Tok Pisin Nius

22 Julai | EMTV Nesenel Nius Hetlain Long Tok Pisin

1. O’NEILL I STAP YET OLSEM PRAIM MINISTA
Vot I nogat bilip we I kamap long kibung bilong palamen tete I lukim gavman i sanap strong long bihainim yet Praim Minista Peter O’Neill.

Kibung bilong palamen, I lukim 85pela manmeri long Gavman na 21pela long Oposisen.

Oposisen I bin save olsem ol I no planti tasol I usim kibung bilong palamen long rausim ol belhevi bilong ol.

Long pinis long kibung bilong palamen nau moning, oposisen I no wanbel long wanem ol I tok olsem ol I toktok pait long liklik taim tasol.

Long wan kain taim tu, gavman I laikim wanpela wok glassim long painimaut strong bilong Nesenal Executiv caunsil, lejistleita na Judisiary.

Governor bilong Morobe, KELLY NARU, husait I bin toktok tu long palamen, I tok olsem kot I nogat strong long kam insait long wok bisnis bilong palamen.

Naru I tok olsem dispela disisen kot I mekim ino bihainim loa na I laikim tok klia bilong loa long strong bilong 3pela han bilong gavman.

 

2. OPOSISEN I TOKTOK STRONG LONG PALAMEN KIBUNG
Man husait i go pas long Vot I nogat bilip na deputi lida bilong Oposisen, SAM BASIL, i nambawan man long toktok pait long palamen kibung tete.

BASIL, I givim planti strongpela toktok we em I tok I bagarapim kantri ananinit long lidasip bilong Praim Minista, Peter O’Neill. Sumpela bilong dispela em lukautim moni bilong kantri, toktok pait long 2016 baset na independen comisina agensim corrupsion o ICAC Bill.

Long dispela nek, Basil I toktok strong long Praim Minista long sait bilong LNG moni na ol arapela sut toktok

 

3. PABLIK I NO HAMAMAS
Planti ol manmeri husait I harim na lukim dispela vot I nogat bilip, I no hamamas long olsem Peter O’Neill bai stap yet olsem Praim Minista.

Sumpela bilong ol I tokim EMTV Nius olsem, ol I no hamamas long ol memba bilong ol husait I sanap strong wantaim Peter O’Neill.

Maski planti bilong ol I no wanbel, ol I tok ol I bai lukluk gut na makim ol lida we bai harim tok krai bilong ol long 2017 eleksion.

 

NA LONG SPOT NIUS:

4. PNG WINIM GEM NAMBAWAN
Anda 21 nesenal netbol tim bilong PNG, I winim nambawan gem agensim Singapore tete abinun.

Ol I daunim Singapore long 47- 46 points.

Insait long dispela gem, ol bikpela nem pilaia JEFETH TULAPIA na BOIO PETER, I mekim strongpela gem.

Related posts

17 Jun | EMTV Nesenel Nius Hetlain Long Tok Pisin

EMTV Online

12 Epril | EMTV Nesenel Nius Long Tok Pisin

EMTV Online

6 Julai | EMTV Nesenel Nius Hetlain Long Tok Pisin

EMTV Online

Leave a Comment

error: Content is protected !!