Nius Hetlain:
Presiden bilong Peru, Pedro Pablo Kuczynski, i opim 2016 APEC Lida Bung long ples Lima, long kantri Peru, aste.
Gavana bilong Westen Provins, Ati Wobiro, wantaim Ekting Provinsal Administreta Dokta Modowa Gumoi, na bisnisman Norman May we kot i painim olsem ol i asua long wokbung long stilim moni bilong gavman tete i askim kot long beil.
Pablik misa long makim ol nupela kadinal i kamap aste long Rom, Itali.
Namel long dispela ol man em Sir John Ribat, husat i sanap wantaim 16pela kadinal taim Pope Franics i makim ol olsem ol nupela kadinal.
Tim PNG i pinisim ron bilong ol long FIFA Anda 20 Wol Kap bilong ol Meri taim ol i lus long Demokratik Repablik bilong Korea long las group salens 7 – 1 aste nait long Nesenel Futbol Stedium.
