News Tok Pisin Nius

20 Mei | EMTV Nesenel Nius Hetlain Long Tok Pisin

Hia nau em ol EMTV nesenel nius hetlain long tok pisin…

 

1.SUPRIM KOT TOK NOGAT LONG ASKIM BILONG SEKIM DISISEN

Kot aplikesen long suprim kot long glasim disisen bilong nesenel kot long rausim bilong ol polis opisa Thomas Eluh, na Timothy Gitua, em Suprim Kot i tok nogat long en.

Astingting long dispela aplikesen i kamap, em i tok tupela man wantaim i gat as long stap insait long dispela kot.

Eluh na Gitua, em Polis Komisina Gari Baki, i bin pinisim ol long wok bihain long em i tok ol i no bihainim ol loa bilong polis.

 

2.ICCC KISIM TINGTING BILONG OL BISNIS LONG SENISIM OL LOA

Indipenden Konsuma na Kompetisen Komisin o ICCC i go het pinis long toktok wantaim ol bisnis long kantri long bungim tingting bilong ol long ol senis long ol loa bilong bisnis na ol kastoma.

Wanpela woksop i kamap long Kokopo, aste, i tokaut olsem ICCC i redi long mekim ol dispela senis.

Em bikos ICCC i luksave olsem planti ol bisnis i no givim inap luksave long ol loa bilong en long kantri.

 

3. OIL SEARCH BAIM INTEROIL

Bikpela oil kampani bilong PNG, Oil Search PNG, tete i mekim tupela bikpela toksave.

Namba wan toksave em long tingting bilong en long baim narapela ges kampani, InterOil wantaim K6.5 milian.

Namba 2 samting em memorandum ov andastending namel long Oil Search na Total (TOW-TAHL) long salim bilong 60% InterOil i gat insait long Petrolium Ritensen Laisens 15, na 62% long olgeta eksploresen asset bilong InterOil, i go long Total.

Dispela tupela samting em bod bilong Oil Search, na InterOil wantaim i tok oraitim.

 

NA LONG SPOT NIUS BILONG TETE:

 

4. OL FUTBOL SAPOTA I MAS REDI LONG BAIM TIKET BILONG OFC NESENS KAP

Ol Futbol sapota long kantri nau i ken redi long baim ol tiket long lukim ol bikpela pilai insait long OFC Nations Cup, we bai kamap hia long Pot Mosbi.

OFC Nesens Kap, ol intanesenel pilai bilong ol Anda 20 meri na intanesenel pilai bilong ol sinia man agensim Malesia, nau ol i wok kolim ‘Futbol Festival’, na bai kirap long Me 24, i go olgeta long Jun 17.

https://youtube.com/watch?v=wmN9_2_RuEk%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Nipa Kutubu District Authority Partners with Churches for Development

EMTV Online

Gibbs Salika Sworn-In as New Chief Justice of Papua New Guinea

Sharlyne Eri

24 Julai | EMTV Nesenel Nius Long Tok Pisin

EMTV Online

Leave a Comment

error: Content is protected !!