Tok Pisin Nius

20 Julai | EMTV Nesenel Nius Hetlain Long Tok Pisin

Hia nau em ol nius long tok pisin:

1. GAVAMAN I GAT NAMBA YET

Gavaman bung long Alotau i gat strongpela tingting olsem Praim Minista bai holim yet wok bilong en.
Lida bilong Gavaman Bisnis, James Marape, i tok hamamas olsem ol i gat 80pela memba husait i givim sapot long sanap strong long gavaman.
Em i tok olsem ol manmeri husait i singaut long senisim gavaman i mas stap yet na wetim 2017 eleksions.
Wan kain taim tu, Nesenel Alaiens Pati Lida, Patrick Pruaitch, i tok olsem Nesenel Alaiens Pati i sanap strong long givim sapot i go long Pipol’s Nesenol Congress gavman.
Em i tok olsem wanem kain pasin ol memba bilong NA pati i mekim ino makim maus bilong en.
Aste man husait I go pas long kamapim Nesenel Alaiens Pati, Gren Sif Sir Michael Somare, i tok aut olsem em i givim sapot i go long Oposisen.

2. OPOSISEN I TOK SORE

Ol bipo Praim Minista bilong kantri, i bungim maus aste long singautim Praim Minista Peter O’Neill, long risaen.
Ol i mekim dispela toktok long wanpela belkol bung wantaim Oposisen, long Laguna Hotel.
Dispela bung i lukim niupela Oposisen memba, Ben Micah, i tok sore long ol bipo Praim Minista. Dispela em Gran Sif Sir Michael Somare, Sir Julius Chan na Sir Mekere Morauta.
Ol i tok sore long ol i no bihainim toktok bilong ol long bipo taim.

3. KOT BILONG KILA PAT BAI KAMAP LONG NESENAL KOT

Bipo Sekreteri bilong Lens na Pisikal Plening, Romily Kila Pat, na ol arapela wokmanmeri bai sanap long Nesenel Kot long mun i kam.
Komital Kot i tokim ol long sekim listing bilong Nesenel Kot long namba 8 dei bilong mun Ogas.
Kila Pat na tupela bipo wokmanmeri bilong lens dipatmen em Simeon Andrew na Vavine Walo, i gat toktok olsem ol i pasim tok long paulim moni bilong dipatmen.
Dispela monimak I abrusim 200 tausen kina.

NA LONG SPOT NIUS:

3. PUARA BAI STAT LONG HAFBEK

Kosa bilong SP Hunters, Michael Marum, i mekim wanpela senis long raun 20 pilai bilong ol agensim East Tigers long Mosbi long dispela wiken.
Huka Wartovo Puara, bai muv i go pilai long hapbek long poromanim Ase Boas.
Dispela senis bai lukim Ate Bina Wabo I go long intasens.

Related posts

9 Julai | EMTV Nesenel Nius Long Tok Pisin

EMTV Online

19 Julai | EMTV Nesenel Nius Long Tok Pisin

EMTV Online

19 Janueri | EMTV Nesenel Nius Long Tok Pisin

EMTV Online

Leave a Comment

error: Content is protected !!