30.7 C
Port Moresby
October 26, 2021
News Tok Pisin Nius

2 Mei | EMTV Nesenel Nius Hetlain Long Tok Pisin

 

Hia nau em ol EMTV nesenel nius hetlain long tok pisin…

 

1.KOT SASIM GAVANA SOSO NA SEKRETRI KALI

Waigani Suprim Kot tete i sasim Gavana bilong Isten Hailens, Julie Soso, na Sekretri bilong Pesenol Menesmen Dipatmen, John Kali, wantaim kontem ov kot o pasin bilong ino harim tok bilong kot.

Suprim Kot i mekim olsem, bihain long makim bilong ALVIN INNAMOI olsem Ekting Provinsal Administreta. Bipo man ol i bin makim long dispela wok, SAMSON AKUNAI, em kot i bin tok nogat long en. Kot i bin givim oda long makim bek SOLOMON TATO olsem Provinsal Administreta.

 

2.TUPELA PNG NEVI SIP I KAM BEK LONG KANTRI

Tupela Papua Niugini Difens Fos Nevi sip i kam bek tete long Indonesia, bihain long tupela i bin stap insait long faivpela de trening.

Dispela tupela Nevi sip em HMPNGS Moresby, na HMPNGS Dreger.

Samting olsem 38-pela nevi man i bin stap insait long dispela trening.

Dispela em i namba tu Komodore Eksesais we Indonesia i kirapim na kisim ol Nevi bilong planti ol arapela kantri long kamap long en.

Em i namba wan taim bilong PNG Nevi long stap insait long dispela kain trening.

 

3.OL UPNG SUMATIN STRONGIM TINGTING LONG OL HEVI LONG KANTRI

Ol sumatin long Yunivesiti bilong PNG, tete i tokaut olsem ol bai go het yet long stopim olgeta pasin skul, na bungim olgeta namba bilong ol long sainim ol askim pepa i go long Praim Minista Peter O’Neill, na Polis Komisina, Gari Baki.

Dispela ol tok em ol i raitim long ol bikpela sain na hangamapim long banis bilong UPNG.

Ol sumatin i bin statim toktok long pasim skul long wik i go pinis. Nau ol i tokaut olsem bai ol i skelim tingting na givim ol askim bilong ol, namel long nau na pinis bilong dispela wik.

https://youtube.com/watch?v=kn7J1LetS0E%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Disgruntled Lae Cannery Workers Return to Work

Lucy Kopana

Mapai Transport Assists in Fight Against COVID-19

EMTV Online

Point of View with Tania Nugent – Episode 4 Season 2 | UniMums Inc

EMTV Online
error: Content is protected !!