25 C
Port Moresby
April 21, 2021
News Tok Pisin Nius

19 Februari | EMTV Nesenel Nius Hetlain Long Tok Pisin

Share the News


Hia nau em ol EMTV nesenel nius hetlain long tok pisin…

1. SME POLISI BILONG KANTRI
Nupela Smol tu Midium Enteprais o S-M-E Polisi na Masta Plen 2016 I go inap 2030, em ol I lonsim aste nait.
Dispela nupela polisi bai kamapim planti gutpela samting bilong kantri.
Sampela ol dispela samting em bikpela groa long ekonomi, kamapim moa wok bilong ol manmeri, na apim mak bilong onasip o kamap papamama bilong ol smol na midium bisnis.

2. IS NU BRITEN GO PAS

Wantaim visin na wok bilong strongim ol lokol komyuniti na groim asples ekonomi, Is Nu Briten em I wanpela provins we I ken makim spid bilong ol development long ol LLG long kantri.
Ol lidaman bilong provins I tok gutpela wok I kamap bihainim strongpela bilip, strongpela lidasip na gutpela ol lain manmeri I save bihainim na strongim tingting bilong ol lida.

3. POLIS MAS SKUL GEN
Polis Komisina, Gari Baki I tok ol polisman bai mas mekim ol refresa o liklik skul bilong strongim save bilong ol.
Dispela tingting bilong Baki I kamap bihain long Nesenel Kot I save lukim planti ol kot I save abrus, na ol man nogut I no save kisim mekimsave, bikos wok painim evidens bilong polis I no strong.

4. POLIS HOLIM WANPELA SASPEK PINIS

Polis long Pot Mosbi I holim pinis wanpela saspek long hanbom pairap long haus bilong Metropolitan Superintenden bilong NCD, Benjamin Turi.
As bilong dispela birua I no kamap klia yet, na taskfos we ol I sanapim long de birua I kamap I tok ol I mekim wok yet.

NA LONG SPOTS NIUS:
1. OL NSL KLAB KISIM TOK LUKAUT
Strongpela tok lukaut I go long ol Telikom Nesenel Soka Lig klab na ol sapota bilong ol, long I noken gat hevi long ol gem bilong dispela wiken.
Ol NSL pilai bai kamap long Pot Mosbi na Lae tumora.
Lae City Dwellers na Welgris Morobe bai bung long Sir Ignatius Kilage stedium, na Hekari bai skelim strong wantaim PKA Rapatona.

https://youtube.com/watch?v=XL8-aF0BGaQ%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Ramu Nico conducts nursery programs

EMTV Online

New Zealand Spying on Pacific Neighbours, Leaked Documents Reveal

EMTV Online

MPs Attend Health Program at Parliament

EMTV Online
error: Content is protected !!