26 C
Port Moresby
May 17, 2021
News Tok Pisin Nius

18 Mas | EMTV Nesenel Nius Hetlain Long Tok Pisin

Share the News

 

Hia nau em ol EMTV nesenel nius hetlain long tok pisin…

 

1.OL YUNION NO LAIKIM POLITIKS LONG PABLIK SEVIS

Ol lida bilong ol pablik sekta yunion I laikim pasin politiks I mas pinis long makim bilong ol pablik sevan.

Tete apinun ol memba bilong Kaunsil bilong ol Pablik Sekta Yunion I givim strongpela tok lukaut olsem sapos ol lida I laik pilai politiks wantaim pablik sevis, bai olgeta pablik sevan long kantri I lusim wok.

Dispela tok lukaut I bihainim pulim-taitim long posisen bilong Komisina bilong Koreksenal Sevis, na sampela sut tok olsem gavman I laik senisim Polis Komisina, Gari Baki.

 

2.NCD HELT ATORITI PASIM OL SEL LONG BOROKO POLIS STESIN                              

Ol NCDC helt inspekta I pasim ol sel blok long Boroko Polis Stesin long Mosbi tete avinun, long wanem ol I bagarap olgeta, na I no gutpela long ol man I stap long en.

NCD Metropolitan Suprintenden, Benjamin Turi, I tok ol dispela ol sel blok I abrusim foti krismas pinis, na I nogat gutpela rot long win I ron I go insait, na I nogat gutpela rot bilong rausim pipia.

Em I tok antap long dispela ol hevi, nau polis I lukim namba bilong ol trabel man I winim mak bilong ol sel blok.

 

3.EDUKESEN DIPATMEN LAIK STRONGIM TISA TRENING

Ol tisa I save mekim bikpela wok tru long makim strong bilong ol sumatin.

Gutpela wok tisa, na em I bikpela luksave bilong edukesen dipatmen.

Ekting Deputi Sekretri bilong T-VET, Godfrey Yerua, I tok strongpela edukesen, em I namba wan samting dipatmen I laik inapim.

 

NA LONG SPOTS NIUS:

 

1.GREN FAINAL BILONG TELIKOM NSL

Gren fainal bilong Telikom Nesenel Soka Lig, bai lukim Hekari United FC I bungim gen ol sempion bilong las yia, Lae City Dwellers, long Sir John Guise Stedium tumora.

Dispela tupela tim I bin bung las wik tasol, na Hekari I bin kilim tru ol Dwellers, 5-nil.

https://youtube.com/watch?v=QHJpcoOycjQ%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Carr Pledges to Western Province

EMTV Online

Aihi and Tokura on Bereina arrests

EMTV Online

Unclaimed Dead Bodies See Mass Burial

EMTV Online
error: Content is protected !!