28 C
Port Moresby
July 7, 2020
News Tok Pisin Nius

18 Februari | EMTV Nesenel Nius Hetlain Long Tok Pisin


Hia nau em ol EMTV nesenel nius hetlain long tok pisin…

1. BOM BIRUA
Wanpela hanbom I bin pairap nau moning ausait long haus bilong Nesenel Kapitel Distrik Metropolitan Suparintenden, Ben Turi.
Haus bilong Turi I stap insait long Tasion Polis Bareks long Gerehu.
Em I namba wan taim bilong dispela kain birua I kamap long wanpela kain biknem polisman olsem.
Ol forensic opisa bilong polis na difens fos, wantaim tu Australia Federal Polis I bin kamap na sekim ples we bom I bin pairap.
Olgeta lain famili bilong Turi, I bin orait.
Polis Komisina Gari Baki I tokim EMTV olsem wanpela task fos I sanap pinis long mekim wok painim long dispela birua.

2. MOA HEVI BAI KAMAP LONG HAIWE

Nau yet Isten Hailans I wok long karim bikpela hevi bilong taitwara. Manimak bilong olgeta hevi I no klia yet, tasol sampela long Isten Hailans I ting olsem manimak I ken abrusim 15 milian kina bilong silipim ol nupela bris na stretim ol rot bruk.
Planti hap bilong Hailans Haiwe I wok long daunim strong bilong ekonomi long Hailans rijen.

3. MOA HEVI BAI KAM YET LONG OL ROT (serah)
Moa hevi long rot na bris bai kamap long olgeta kona bilong kantri.
Dispela em I tok lukaut bilong Sekretri bilong Woks, David Wereh.
Wereh I tok bikpela ren I wok long pundaun, bai bagarapim planti moa samting.

4. MAMA KUKIM HOMBRU

Mama bilong tupela pikinini long Kamkumung em polis i holim em long mekim hombru.

Polis long Lae i redim haus bilong meri ya na painim em i wok long kukim hombru i stap.

 

NA LONG SPOTS NIUS:
1. PNG WETLIFTING LUKLUK LONG RIO
Ol wetlifta bilong PNG bai gat liklik sans I stap long kisim tiket I to long Rio Olimpiks.
Tasol kantri I ken salim tupela wetlifta tasol I go long Brasil.
Wanpela man, na wanpela meri.
Nau yet ol wetlifta I wok long tren strong long traim dispela tupela spes.

https://youtube.com/watch?v=TEvL6LAvBic%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Central Province Counting progressing

EMTV Online

Women of Hope Ministries Make Appeal

EMTV Online

PM O’Neill Announces 200 Million Kina Housing Loan

EMTV Online
error: Content is protected !!