27.7 C
Port Moresby
October 23, 2021
News Tok Pisin Nius

17 Mei | EMTV Nius Long Tok Pisin

 

Hia nau em ol nius long tok pisin:

1. SENTRAL BENK GAVANA LAIKIM MOA EKSPOT MAS GO AUT LONG KANTRI

Gavana bilong Sentral Benk bilong kantri, Loi Bakani, i singaut strong long ol bisnis long kantri i save salim ol kago i go aut long kantri, long ol i mas apim mak bilong kago i go aut, bai kantri i gat ol foren karensi o mani bilong ol arapela kantri.
Mista Bakani i bin mekim dispela toktok long Australia PNG Bisnis Forum, we i kamap long Cairns, Australia.

2. POLIS SOIM STRONG LONG UPNG

Polis long NCD i bin soim namba bilong ol long Yunivesiti bilong PNG, bihainim askim bilong UPNG Senet.
Long bikmoning yet, ol polis kar i go bung ausait long UPNG.
Tasol dispela em i no stopim ol sumatin long go het wantaim boikot o nogat skul sindaun.
Dispela em i namba tri wik nau we dispela boikot long UPNG i ron.

3. ILEKTROL KOMISIN LAIKIM STRETPELA TOK KLIA LONG REFERENDUM VOT

PNG Ilektrol Komisin i tokaut tete avinun, olsem ol i bin redi long go het long lukautim referendum vot bilong ol sumatin long UPNG, tasol ol i kisim toksave i kam long ol loya bilong Gavman, long ol i mas kisim gut stia tok pastaim.
Ilektrol Komisin i tok Opis bilong Atoni Jeneral i wok glasim dispela samting, long kliarim sapos ol i brukim ol kot oda o nogat.
Mausman bilong PNGEC, John Kalamoroh, i tok ol opisa bilong ol i bin redi long go long UPNG long karimaut dispela referendum vot, taim ol i kisim toksave long opis bilong Atoni Jeneral.

 

NA LONG SPOT NIUS BILONG TETE:

4. JUSTIN OLAM WINIM AI BILONG STORM

Yangpela paia lait winga bilong SP PNG Hunter na PNG Kumuls, Justin Olam, i tok wanbel pinis long bihainim askim bilong Melbourne Storm.
Olam bai go pilai na stap wantaim ol Storm long 2017 na 2018 sisen.
Dispela kontrak wantaim Storm bai go het bihain long em kisim ful medikal sekap long Brisben long wik i kam.

https://youtube.com/watch?v=HGc-oe9tswU%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Team PNG Grabs Four Medals at 2015 Special Olympics World Summer Games

EMTV Online

ADB outlook

EMTV Online

Fiji Pushing for World Cup Contention

EMTV Online
error: Content is protected !!