27 C
Port Moresby
May 17, 2021
News Tok Pisin Nius

16 Mas | EMTV Nesenel Nius Hetlain Long Tok Pisin

Share the News

 

Hia nau em ol EMTV nesenel nius hetlain long tok pisin…

 

1.GAVMAN TOK NOGAT MOA RAUN RAUN NATING OVASIS

Nesenel Gavman I bin tromoi klostu 50 milian kina long 2015 long raun bilong ol pablik sevan I go ovasis.

Sif Sekreteri bilong Gavman, Isaac Lupari I tok nesenel gavman bai glasim gut olgeta wokabaut bilong ol pablik sevan I go aut long kantri.

Lupari I tok olgeta ovasis raun we ol pablik sevan I laik mekim, I mas kisim tok orait long opis bilong em pastaim.

 

2.OL LIDA LONG OPOSISEN WARI LONG JASTIS SISTEM

Ol lida long Oposisen I wok askim watpo na wok bilong sasim ol man I mekim rong I save stap longpela taim, na nogat wanpela mekimsave I save kamap long ol man nogut.

Memba bilong Lae, Loujaya Kouza, I tok pasin bilong paitim nating ol manmeri, em I brukim loa bilong ol rait bilong ol wanwan manmeri.

 

3.‘BORAM HAUSIK’ LUKIM SENIS BIHAIN LONG 50 YIA OLGETA

Wewak Jeneral Haus sik nau bai lukim planti bikpela senis long haus sik yet, na long ol wokmanmeri bilong en.

Dispela haus sik em planti manmeri save kolim ‘Boram Hausik’ bilong wanem haus sik I stap long ples Boram long Wewak.

Nupela Sif Ekseketiv Opisa bilong hausik, Mark Mauludu, I go pas long wok plen bilong kirapim bek dispela biknem haus sik.

 

 

NA LONG SPOTS NIUS:

 

1.PNGOC SINGAUT LONG OL BISNIS LONG GIVIM SAPOT

PNG Olimpik Komiti Presiden, em Sir John Dawanincura, I singaut long ol bisnis long kantri long sapotim Trukai Fan Ran oksen.

Namba wan oksen bai kamap nau nait long Lae Yot Klab, na bai gat narapela I kamap tumora long Pot Mosbi.

Ol bisnis bai gat sans long resis long baim ol Trukai Fan Ran tiset.

Moni I kamap long dispela oksen bai sponsaim Tim PNG I go long ol bikpela intanesenol pilai.

Dispela yia, moni bai go long halivim ol spotmanmeri I go long Olimpik Gems long Rio long Brasil.

https://youtube.com/watch?v=AT-vB-35Qxg%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

New Double Classroom for Grace Memorial

EMTV Online

Bawa: Police Must Secure Public Confidence

EMTV Online

Multinational law firm’s PNG Office to be headed by PNG woman

EMTV Online
error: Content is protected !!