News Tok Pisin Nius

15 Mas | EMTV Nesenel Nius Hetlain Long Tok Pisin


Hia nau em nius long tok pisin…

1. POLIS YUNION NO LAIKIM SENIS LONG POLIS KOMISINA

Polis Yunion I givim strongpela tok lukaut long gavman long noken suvim het I go insait long Royal PNG Konstabulari.
Ol I tok ol I kisim toksave olsem I gat plen I stap long senisim Polis Komisina Gari Baki.
Yunion bilong polis I tok ol I les pinis long senis long polis komisina.

 

2. LIHIR BUNGIM HEVI BILONG OL SETOLMEN

Long las tenpela yia, Lihir Ailan I lukim ol setolmen I wok go bikpela.
Bikpela grup manmeri I wok kam long lihir long painim wok na mani.
Ol ples lida long Lihir I luksave olsem ol I mas stiaim gut ol dispela lain I go long ailan, na nau ol I singaut halivim long Nu Ailan provinsal gavman.

3. NAMBAWAN SUPER STRONGIM DISKAUN PROGREM BILONG EN

155,000 memba bilong Superfund, Nambawan Super, nau I ken kisim diskaun inap long 45 pesen long wanwan ol stua na bisnis.
Dispela diskaun program em bipo em I bin stap long Mosbi siti tasol. Nau bai em I go aut long olgeta hap long kantri.
Nambawan Super nau I gat moa long 80 diskaun patna bisnis, na ol I lukluk long painim sampela moa long sapotim ol bisnis long kantri.

 

NA LONG SPOTS NIUS:

1. HOC BILONG KIMBE GEMS I SINGAUT LONG SAPOT

Namel long olgeta salens long painim mani bilong lukautim namba 7 PNG Gems, Host Ogenaising Komiti I singaut long ol bisnis long Kimbe Taun long sapotim dispela bikpela nesenel spot pilai.
Deputi Siaman bilong HOC, Dacca Wagai I tok dispela gems bai opim planti dua, na bringim bikpela mani I kam wantaim ol lain manmeri husat bai makim wanwan provins long kantri long dispela tupela wik we Gems bai ron.

https://youtube.com/watch?v=y4S_QWbB0Gg%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Sport Scene – Episode – 2, 2014

EMTV Online

13th PNG Mining & Petroleum Conference in Sydney ends

EMTV Online

Eight Christmas Babies at Angau Hospital

EMTV Online

Leave a Comment

error: Content is protected !!