25.5 C
Port Moresby
April 19, 2021
News Tok Pisin Nius

15 Februari | EMTV Nesenel Nius Hetlain Long Tok Pisin

Share the News


Hia nau em ol EMTV nesenel nius hetlain long tok pisin…

 

1.POLIS HOLIM SIKSPELA BIRUA MAN

Tete long long Lae, polis i holim pasim 6-pla man ol i bilip i wok pasim tok lo mekim wanpla bikpla stil pasin.

Polis i tok ol bihainim ol displa man long nait yet. Ol man yah wantaim draiva blo ol I bin raun insait long wanpla blupla 10 sita kar. 

Long Saina taun taim 6 pla man na draiva I luksave olsem polis i bihainim ol, ol traim long ronowe.

Polis ronim ol igo insait long admin kompaun na holim pasim ol long hap. Tasol draiva bilong displa kar I ronowe.

Polis tok ol i sut long draiva wantaim gan taim em i woklo ronowe. Polis i bilip olsem katres i mas kisim draiva, tasol em i ronowe i go olsem long Bumbu wara na lus long han bilong ol.

Ol sixpla poro blo em tasol  nau i stap long han bilong polis.  
 

2.TUPELA MANMERI TOK POLIS PAITIM OL

Polis Intenal Investigesen Yunit long Pot Mosbi nau I mekim wok painim long sampela ol polisman I paitim nupela marit.

Birua I kamap las wiken long Makana setolmen long 9-mail ausait long Mosbi siti.

Tupela marit I ripotim dispela birua long Intenal Investigesen Yunit long Badili polis stesin, na wok painimaut I go het yet.
 

3.MADANG PROVINSAL GAVMAN BEKIM

Madang provinsal gavman I bekim ol askim I kam long ol Manam manmeri I sindaun long tripela kea senta.

EMTV I go raun long ol ke senta, na I lukim ol manmeri na pikinini I wok sot long kaikai na ol arapela samting.

Madang provinsal gavman I tok em bai givim ol rilif kaikai dispela wik.
 

4.AUSTRALIA HAUSIK TOK NOGAT LONG NAURU

Wanpela haus sik long Australia I no laik lusim wanpela liklik bebi gel long go bek long imigresen kem long Nauru, bihain long ol I tritim em long ol bikpela skin paia.

Cilento Hausik bilong ol Pikinini long Brisben, Australia, I tok dispela wanpela krismas bebi gel bai no inap go aut, inap ol I painim wanpela gutpela ples long em I ken stap gut.

Ol protesta long Australia I sanap protes ausait long hausik long sapotim ol.


 

NA LONG SPOTS NIUS:


5.KUMULS NOGAT KOSA YET     

PNG Kumuls bai pilaim namba wan gem bilong ol bilong dispela yia, long Namba 7 de bilong mun Mei, agensim Fiji Batis, long Paramata Stedium long Sidni, Australia.

I gat tripela mun tasol I stap nau, na PNG Ragbi Futbol Lig I no makim yet nupela kosa bilong Kumuls, bihain long Mal Meninga I lusim dispela wok las yia.

https://youtube.com/watch?v=hXoEsAK0Y_0%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Bail Granted for PNGDF Soldiers

Theckla Gunga

Parliament passes Bills to address 2018 APEC and Ok Tedi Mine Expansion

EMTV Online

Increased Street Kids a Cause for Concern

EMTV Online
error: Content is protected !!