28.9 C
Port Moresby
July 10, 2020
Tok Pisin Nius

14 Jun | EMTV Nesenel Nius Hetlain Long Tok Pisin

Hia nau em ol EMTV nesenel nius hetlain long tok pisin…

 

1.NESENEL KOT GIVIM RULING LONG HELA GAVANA SALENS

Nesenel Kot long Waigani, tete i givim disisen bilong en long tok strongim Leit Anderson Agiru, olsem gavana yet bilong Hela.

Jastis Ere Kariko i tok pasin Komo Magarima MP, Francis Potape i mekim long Desemba 29, 2015 wantaim ol provinsal asembli memba bilong Hela long rausim Leit Agiru, i no bihainim loa.

Jastis Kariko i tok nau i stap long han bilong Hela Provinsal Asembli long kisim dispela disisen, na stretim.

 

2.PNG MAS STRONGIM PASIN BILONG GIVIM BLUT

Papua Niugini i mas kamapim wanpela pasin bilong givim blut, bai olgeta haus sik long kantri i gat inap klinpela blut bilong ol sikmanmeri i nidim.

Sif Ekseketiv Opisa bilong Pot Mosbi Jeneral Haus sik, Grant Muddle, i mekim dispela toktok long lonsim bilong Yut Blut Draiv, tete long Mosbi.

Dispela kempen, Muddle i tok, i no bilong kisim blut tasol. Narapela wok bilong en em long strongim ol helti pasin na laipstail namel long ol yangpela manmeri.

 

3.OL YUNIVESITI SUMATIN PAIT LONG LAE NA GOROKA

Ol yunivesiti sumatin long Yunitek na Yunivesiti bilong Goroka i kirapim ol kain kain pasin pait tete.

Aste nait, ol sumatin long Yunitek long Lae i bin bruk bihain long sampela ol sumatin i laik pasim tok long go bek long skul. Pait i bruk namel long ol na ol arapela sumatin i laik go het yet wantaim boikot.

Long Goroka, ol sumatin i kirapim bikpela pait tete moning. I nogat tok klia yet long as tru bilong dispela pait, tasol moa long 40 sumatin i go pinis long Goroka Haus Sik long kisim halivim.

 

NA LONG SPOT NIUS BILONG TETE:

 

4. TOEA WISIL BRUKIM PNG REKOT LONG 100 MITA RON

Sprin Kwin bilong PNG, Toea Wisil, i brukim pinis PNG Nesenel Rekot bilong 100 mita ron.

Wisil i brukim rekot long Nesenel Open Sempionsip long Lae long wiken.

Wisil i bin ron inapim 11.36 sekens, long brukimg bipo rekot we PNG Sprinta Mae Koime i bin setim long 2007, taim em i klokim 11.37 sekens.

Nau Wisil i holim nesenel rekot bilong 100 mita, na 400 mita.

Wisil, nau i stap olsem namba wan strongpela etlit bilong PNG i go long Rio Olimpik Gems long mun Ogas.

https://youtube.com/watch?v=5Jt9spE7GXo%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

3 Mas | EMTV Nesenel Nius Long Tok Pisin

EMTV Online

11 Disemba | EMTV Nesenel Nius Long Tok Pisin

EMTV Online

25 Jenueri | EMTV Nesenel Nius Long Tok Pisin

EMTV Online
error: Content is protected !!