Hia nau em ol EMTV nesenel nius hetlain long tok pisin…
1.MOROBE GAVANA LAIKIM OL TRABOLMAN LONG GO LONG POLIS
Gavana bilong Morobe, Kelly Naru i singaut long ol saspek husat i bin gat han long kilim bilong tenpela manmeri long Makam distrik, long givim ol yet long polis.
Ol skul long distrik, i pasim dua tupela wik pinis, na ol polis mobail skwad i go sindaun long Umi na Mutzing tripela wik nau, long painim ol saspek long dispela birua.
2.KOFIN BILONG AGIRU KAMAP LONG TARI
Kofin bokis bilong Leit Hela Gavana, Anderson Agiru, i kamap long Tari ast avinun.
Planti tausen manmeri i bin bung long Andaija fil long tok welkam long gavana bilong ol
Pastaim long em i go sindaun long Tari, em i bin sindaun tripela awa long Sauten Hailans Provins.
3.LOYA MAN TOK OL UPNG SUMATIN I NO BRUKIM LOA
Wanpela nius konprens we i kamap nau avinun long Yunivesiti ov PNG i bihainim wanpela miting bilong UPNG Senet, we i kamap tete.
Dispela miting, em ol UPNG sumatin i wok long wetim, long save sapos ol i ken go het wantaim wanpela referendum vot long kisim tingting bilong ol sumatin sapos ol bai go het long pasim skul o nogat.
NA LONG SPOT NIUS BILONG TETE:
4.GARY LO GO BEK LONG YUNAITET KINGDOM
Bipo paia lait winga bilong SP PNG Hunters, Gary Lo, nau i go bek gen long Inglan long pilai wantaim ol Sheffield Eagles bihain long em i stap sotpela taim wantaim Newcastle Thunders.
Lo bai bungim gen ol wanlain bilong en olsem Mark Mexico na Menzie Yere.
https://youtube.com/watch?v=LThlkyVmiLk%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0
