Nius Hetlain:
Praim Minista Peter O’Neill isainim wanpla tok wanbel pepa long givim moa pawa igo long tripela provins, Enga Is Niu Briten, na Niu Ailan. Ol displa tripla provins nau gat moa pawa long wokim ol wok development insait long ol provins, aninit long pasin otonomi. Praim Minista itok displa em anianit long namba tu tok wanbel we ol lida isainim long taim ol ikamapim gavman.
Wanpla komuniti long Wara Bumbu ilaik bung wantaim provinsel gavman blong Morobe. Displa em blong wanem ol ikisim tok olsem ol imas lusim ples we ol stap long en insait long 21pla dei. Ol itok em ihat liklik long lusim hap we ol stap long en bikos ol inogat moa hap long go.
Anda 19 soka tim blong kantri iwok rere long pilai long OFC Anda 19 pilai long Tahihi long mun August. 16pla mangi long displa tim em ol isave pilai long Besta PNG United long NSl kompetisen. Panamax kampani isapotim displa tim, wantaim sapmpla noupla ol siot we ol ibai werim long displa tonamen long Tahiti.
