25 C
Port Moresby
July 10, 2020
News Tok Pisin Nius

10 Februari | EMTV Nesenel Nius Hetlain Long Tok Pisin


Hia nau em ol EMTV nesenel nius hetlain long tok pisin…

1.STRETIM MONI BUK

Pundaun bilong ikonomi bilong Papua Niu Gini, i nau lukim sampela ol instituisen olsem ol skul, i gohetim tu ol wok stretim, long ol moni buk bilong ol.

Wanpela bilong ol, em Yunivesiti Bilong Teknoloji insait long Morobe Provins.

Vais Sensela, Doka Albet Schram (kolim Olsem SREM), i tok olsem: “bai igat bikpela wok stretim i mas kamap insait long skul na I luk olsem sampla wokmanmeri blo yuniversiti bai imas lusim wok.

 

2.BUK STORI LONG PAIT

Wanpela longpela taim, niusmeri, em yet bilong Atonomes Rijen Bilong Bougenvil, Veronika Hatutasi, i bin raitim wanpela buk, we i stori long bikpela pait, we i bin kamap long Bougenvil.

Veronika husat i wok wantaim Wantok Niuspepa, i tokaut long sampela samting, we em yet tu, i bin stap na lukim.

Het toktok bilong dispela buk long tok inglis em: ‘Behind The Blockade’.
 

3.WES PAPUA SITISENSIP

Gavana Bilong Noten Provins, Geri Juffa,  i tok amamasim Nesinol Gavaman long givim luksave long ol Wes Papua, long ol bai i kamap sitisen bilong Papua Niu Gini.

Gavana Jufa, em yet i wanpela strongpela sapota bilong Wes Papua.

Nesinol Gavaman tu i bin slekim liklik, sampela hap aninit long lo bilong

refiuji i laik kamap sitisen…wanpela hap em long rejistreisen wantaim moni mak, inapim ten tausen kina. Gavaman i tok pinis, ol Wes Papua refiuji husait I laik kamap PNG sitisen bai i no ken baim disla mani.
 

4.KOT SASIM TUPELA POLIS MAN

Waigani Nesinol Kot, tude, i sasim tupela polis man, bihainim dai bilong wanpela man insait long Pot Mosbi.

Nem bilong dispel tupelo polis man, em Stenli Kilip na Jek Eron, husat  i bin wok aninit long Godens Polis Steisen.

Kot i bin sasim tupela long kilim man i dai or willful murder. 


 

NA LONG SPOTS NIUS TUDE:

5.NSL WETIM RIPOT

Bod bilong Nesinol Soka Lig, i tokaut olsem, ol i no kisim yet wanpela ripot, bihainim heve i bin kamap namel long Lei Siti Dwelas na Madang FC, long raun ten pilai.

Kodineita, Saimon Koima i tok olsem: “mekim save bai kamap, bihain long ol wok painim aut.”

Bod bilong Nesinol Soka Lig, bai i tokaut bihain long dispela ripot.

https://youtube.com/watch?v=UkQwuI4FBYA%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

K1 Million for Porebada Village

EMTV Online

Mother happy Win will meet her Children’s school needs

Marie Kauna

Seven Prisoners Escape from Boram Correctional Facility

Martha Louis
error: Content is protected !!