Hia nau em ol EMTV nesinol nius het lain long tok pisin…
1. OL STET UNIVESITY BAI I STAT GEN
Gavman I tokaut tete olsem ol univesiti bai I stat skul gen.
Nupela Minista bilong Haia Edukasen, FRANCIS MARUS, husait I kisim opis tete, I tok olsem skul yiar bilong Uinivesiti ov Goroka bai stat gen long dispela mun.
Univesiti ov Teknoloji bai stat long namba 29 dei bilong dispela mun na UPNG, bai stat long mun Septemba.
Long wan kain taim tu, Haia Edukasen Minista, I nau askim ol memba bilong palamen long halivim ol sumatin long wan wan distrik bilong ol long mekim rot I go bek long skul.
Long wan kain taim, Praim Minista PETER O’NEILL,I tok olsem ol sumatin mas I gat sans long go bek long skul na pinisim skul.
2. GAVMAN I GIM K10 MILIAN
Nesinol gavaman i gim 10 milian kina I go long Maprik Distrik long wokim na kirapim nambawan peles balus.
Memba bilong Maprik, JOHN SIMON, I tokim EMTV nius, olsem opis bilong em bai mekim dispela wok kamap. Em I gat bilip olsem ol I bai inap long gat ol balus I kamap long hap long namba 12 mun.
Ol bai kolim dispela ples balus HAYFIL Ples Balus.
3.MANMERI BILONG SUMGILBAR GAT BIKPELA WARI
Ol manmeri bilong Ples Matugar insait long Sumgilbar LLG long Madang Provins, I nau gat bikpela wari long peles bilong ol.
Ol I lukim senis bilong sol wara I go antap long graun na I no long taim bai go antap long rot.
