27 C
Port Moresby
May 18, 2021
Tok Pisin Nius

1 Julai | EMTV Nesenel Nius Hetlain Long Tok Pisin

Share the News

Hia nau em ol EMTV nesenel nius hetlain long tok pisin…

 

1. BIKPELA KIBUNG BILONG NAMBAWAN SEVINGS NA LONS BAI KAMAP

Nambawan Sevings na Lon Sosaiti bai kamapim namba wan bikpela Enual Jeneral Miting bilong en neks wik.

Em i kirap nambawan taim long 2010, na nau Sosaiti i gat samting olsem 16,000 memba.

Maski em taim bilong lus, namba bilong ol memba i wok go antap, na planti long ol i wok kisim dinau.

 

2. OL POLISMAN KISIM SKUL LONG BESIK HUMEN RAITS

Dispela woksop, em i kam pinis tete, na 15-pela polis manmeri i bin graduet.

Trening bilong ol i givim skul long rot ol polismanmeri i mas bihainim taim ol i holim ol saspek.

Em bilong banisim ol raits bilong ol manmeri ol polis i sasim na holim ol long rum-gat o sel.

 

3. OL SUMATIN LONG MOROBE LAIN PASIN TUMBUNA KALSA

Moa long 500 sumatin bilong 22 skul long Lae Distrik i amamas na makim Kalsarel Festival bilong ol Pikinini.

Dispela em i namba wan taim bilong en long kamap long Morobe distrik stret.

 

NA LONG SPOT NIUS BILONG TETE:

 

4. OL BOKSA BILONG N.C.D PAIT LONG MAKIM PNG GEMS TIM

Nesenel Kapitel Distrik Boksing Asosiesen i wok mekim ol trail pait o pilai long Sports Inn.

Dispela em long makim tim bilong Morobe long PNG Gems long Kimbe long mun Novemba.

Fainol tim bai ol i makim taim asosiesen i kirapim wanpela resis pilai long Akwatik Senta pastaim long PNG Gems i go het.

Related posts

29 Jun | EMTV Nesenel Nius Long Tok Pisin

EMTV Online

26 Disemba | EMTV Nesenel Nius Long Tok Pisin

EMTV Online

19 Julai | EMTV Nesenel Nius Long Tok Pisin

EMTV Online
error: Content is protected !!