28.6 C
Port Moresby
February 17, 2020
News Tok Pisin Nius

1 Februari | EMTV National Nius Long Tok Pisin


Hia nau em ol EMTV National Nius hetlain long tok pisin…

1. DRIP SOLWARA I GO LONG FSM
Tupela man Nu Ailan, husat I bin drip solwara las yia, I kam bek pinis long kantri.
Rickson Masol, na Chris Pagan bilong Nu Ailan I bin ron long bot lusim ples Fissoa long Nu Ailan, na I laik go olsem long Simberi
Ailan. Long dispela ron bilong ol, moto bilong bot I bin dai, na ol I drip samting olsem 41 de, inap ol kamap sua long nambis bilong Federetet Stets of Maikronesia.
Tude tupela I kam bek long Mosbi, wantaim halivim bilong Intanesenel Ogenaisesen bilong Maigresen.

2. SIF JASTIS OPIM KOT NA JASTIS BILONG 2016
Sif Jastis, Sir Salamo Injia, tude I askim ol wokmanmeri bilong kot na jastis long kantri, long mekim samting stret, bai wok jastis I ken kamap strong.
Sif Jastis Se Salamo I givim dispela toktok long makim opim bilong yia 2016 bilong kot na jastis.
Sir Salamo I tok jastis em I no samting bilong toktok tasol. Em I samting we I mas kamap ples klia, bai em I ken stap strong long kantri.

3. PM TOK GUTLAK LONG OL SUMATIN
Praim Minista, Peter O’Neill, I tok amamas long olgeta sumatin, papamama, long kamapim gut skul yia bilong 2016.
Em I tok ol pikinini husat nau I stap long skul tude, em ol em edukesen jeneresen bilong now, husat I kisim save long fri edukesen.
Mista O’Neill I tok olgeta wanwan pikinini long kantri I gat rait long kisim skul. Maski ol I gat mani, o ol I nogat. Gavman bai stap long baim skul fi bilong ol.

4. SENISIM OL TRABEL MANMERI
I at moa long 5,000 kalabusmanmeri I stap insait long olgeta ol haus kalabus long kantri.
Dispela namba mak, em I 50 pesen, o hap moa, long mak we ol haus kalabus yet, I ken lukautim.
Tasol olgeta haus kalabus I laikim bai wanwan kalabusman I ken senisim pasin bilong en, inap em I go aut olsem nupela man o meri.
Long strongim dispela, em I kamapim riabilitesen program bilong ol kalabus.
Na nau, dispela program, I wok long karim kaikai.

NA LONG SPOTS NIUS TUDE:
5. PNG BAI HALIVIM TONGA WOK REDI
Wanpela spots delegesen o lain wokmanmeri, nau tasol I pinisim raun i go long Tonga, long luksave long wanem hap PNG I ken givim halivim long Tonga, bai ol I ken redi gut long lukautim 2019 Pacific Gems.
Minista bilong Spots, Justin Tkatchenko, I tokim ol lida na pipel bilong Tonga, olsem PNG I stap redi tasol long givim halivim long ol.

6. OL PNG LIG PILAIA MEKIM NEM
Planti ol strongpela ragbi lig pilaia bilong PNG, nau I wok long pulim strongpela luksave long ol arapela kantri.
Tupela nupela nem em Kato Ottio, husat I bin pilai long SP PNG Hunters, na nau I kisim luksave long stap insait long tip bilong Canberra Raiders, I go long Auckland Nines.
Narapela pilaia em Rod Griffin, em bipo Kumul pilaia husat nau I kisim luksave long pilai wantaim ol Wests Tigers.

https://youtube.com/watch?v=R4IuXZToMgI%3Ffeature%3Doembed%26wmode%3Dopaque%26showinfo%3D0%26showsearch%3D0%26rel%3D0

Related posts

Grand Final NSL Venues confirmed

EMTV Online

Coalition For Change Advocating on Positive Mindsets

EMTV Online

50 new beds donated to Rai Coast High School

EMTV Online
error: Content is protected !!